ЖАЛАЛАБАД. 6-июнда жааган мөндүр аралаш жамгыр 6 миң гектардагы пахта, буудай, күн карама, тамеки өсүмдүктөрүн жок кылды. Бир үй чагылган түшүп, өрттөндү. Дыйкандар кайра эгүүсү үчүн эми 38 тонна үрөн зарыл. Табият кырсыгынан жабыркагандарга маяна, жөлөк пул, пенсияны эртерээк берүү абзел. Каржы министрлиги былтыртан бери убагында которбогондуктан эмгек акы, социалдык фонд, башка төлөмдөргө болгон карыз 52,5 миллион сомго жетти. Төрт айда дүң продукция 107 пайызга аткарылганы менен, салык толугу менен жыйналбай, өндүрүлбөгөн салыктардын өлчөмү 38 млн. сомду гана түздү.
