ПРАГА. Бүгүн Ирландия менен Чехияда Европарламентке шайлоо өткөрүлүүдө. Чехтер Европарламентке 31 партиядан 22 депутатты шайлашат. Ирландиянын премьер-министри менен Чехиянын президенти өз өлкөлөрүнүн жарандарын шайлоого активдүү катышууга үндөштү. 732 депутаттык мандаттан турган Европаралментке шайлоо кечээ Британия менен Нидерландияда өткөрүлдү. 25 өлкө мүчө Еврошаркеттин аймагында шайлоо жекшембиге чейин уланып, ага 350 миллион шайлоочунун катышаары божомолдонот.
