Евробиримдикке кирген өлкөлөрдүн лидерлери уюмдун аткаруучу органы – Еврокомиссиянын жаңы төрагасы кылып Португалиянын премьер-министри Жозе Мануэл Дурао Бароссону дайындашты. Эми анын талапкерлигин Европарламент бекитиши керек. Добуш берүү 22-июлда Бароссо Европарламенттин депутаттарына өз программасын сунуш кылган соң болот. Еврокомиссиянын жаңы төрагасы кызматына 1-ноябрда, азыркы төрага, италиялык Романо Продинин кызмат мөөнөтү аяктаган соң киришет.