Иордандын батыш жээгиндеги Женин шаарында Израилдин аскер күчтөрү менен болгон кечээки кагылышуулардан Палестинанын “Ал-Аксы бригадасы” деп аталган куралчан тобунун жергиликтүү жетекчиси Халед аль-Хави набыт болуп, үч согушкер жараат алды. Маалыматтарга караганда, Израилдин аскер күчтөрү Жениндин борборуна кирип барды. Алар тарабынан террористтик топтордун мүчөлөрү изделүүдө. Газа секторунда да, кечээ палестиндиктер менен израилдиктердин ортосунда кагылышуулар орун алды.
