БИШКЕК. Бүгүн Акыйкатчынын кеңсесинде «Атуулдардын репродуктивдик укугун коргоо» деген темада «тегерек үстөл» жыйыны өттү. Анда парламент тарабынан быйыл кабыл алынган «Атуулдардын репродуктивдик укугу» жөнүндөгү мыйзамды ишке ашыруу жана аялдарды үй-бүлөдө, коомдо басмырлоого каршы күрөшүү жолдору талкууга алынды. Жыйынды «Адилет» аттуу укуктук коомдук фонд БУУнун качкындар боюнча башкы комиссарынын Бишкектеги өкүлчүлүгү биргелешип өткөрдү. Жыйындын катышуучулары үй-бүлөдө балдардын төрөлүшүн пландоо, төрөө, балдарды багуу жана тарбиялоо учурунда аялдардын укугун коргоого шарт түзчү укуктук нормаларды коомдо калыптандыруу жолдорун талкуулашты. Мындай маалымат Акыйкатчынын басма сөз кызматынан алынды.
