Американын аскерлери Фаллужага абадан сокку урушту

БАГДАД. Иракта Американын аскердик авиациясы Фаллужа шаарында сунни көтөрүлүшчүлөрүнүн базаларына сокку урду. Ооруканалардан алынган маалыматтар боюнча, андан, бери дегенде, эки киши курман болду. Дүйшөмбү күнү миналанган автомашиненин жарылуусунан кийин америкалык аскерлер Фаллужага рейддерин күчөтүшкөн. Ал жардыруудан АКШнын жети аскери менен ирактыктык үч аскер курман болгон. Шии көтөрүлүшчүлөрү менен АКШ аскерлеринин кагылыштары Багдаддын Ал-Садр деген жеринде уланууда.