БИШКЕК. 23-сентябрда Бишкекте Шанхай кызматташтык уюмуна кирген өлкөлөрдүн өкмөт башчыларынын жыйыны өтөт. Ага Кытай, Орусия, Кыргызстан, Казакстан, Өзбекстан, Тажикстандын өкмөт башчылары катышат. Тышкы иштер министрлигинин маалымат кызматынын кабарлоосуна караганда, жыйында өз ара кызматтыштыкты чыңдоо жана дүйнөдө коопсуздукту камсыз кылуу жаатында пикир алмашуу болот. Ошондой эле өкмөт башчылардын жыйынынын алкагында Кытайдын премьер-министри Вень Цзябао мамлекет башчысы Аскар Акаев, премьер Николай Танаев менен жекеме-жеке сүйлөшүү өткөрөт.
