БИШКЕК. Ысыккөл облусунун Ысыккөл районундагы Бостери жана Чүй облусунун Аламүдүн районундагы Байтик айыл өкмөтү мындан ары мамлекеттик жөлөкпул алуучуларга каражатты өз эсебинен бере баштайт. Мындай аракетке негиз берген токтомду өкмөт кабыл алып, жергиликтүү өзүн-өзү органынын эсебинен жөлөкпул берүүнү уюштурууга Эмгек жана социалдык коргоо министрлигин милдеттендирди. Токтомго ылайык аталган эки айыл өкмөтү өлкө боюнча тажрыйба иштеп чыгуучу пилоттук айыл өкмөттөрү болуп аталды. Мындай маалыматты өкмөттүн басма сөз кызматы таратты.
