БИШКЕК. Эл өкүлдөр жыйыны бүгүн 2000-2003-жылдар аралыгында электр энергиясын жана газды иштеп чыгуу, ташууда Кыргыз республикасынын мыйзамдарынын аткарылышын иликтөө боюнча түзүлгөн парламенттик комиссиянын отчётун укту. Депутаттар өлкөдө өндүрүлүп жаткан электр энергиясынын 41 пайызы, тагыраак айтканда 4 миллиард киловатт/саат электр энергиясы уурдалып жаткандыгын белгилешти. Ошондой эле алар электр тармагын менчиктештирүү башталгандан бери бул системада иштеген жумушчулардын саны 12 миңден 15 миңге чейин көбөйүп, аларга жылына 3 миллиардга сомго чейин чыгымдалып жаткандыгын маалымдашты. Талкуу уланууда.
