Ооганстандын президенти катары алдыдагы беш жылдык милдеттеринин ичинен ал ушул эки маселени бөлүп көрсөттү. Ооганстанда эч кимдин өздүк куралдуу кошууну болууга тийиш эмес, бул жалпы калктын башкы талабы, деп айтты Карзай Кабулдагы маалымат жыйынында. Мындан тышкары ооган жеринде маңзаттары да болбошу керек. Мунун баары жоюлат жана буга каршы өкмөт катаң күрөш баштайт. 9-октябрдагы шайлоодо, такталган соңку маалыматтар боюнча, Карзай добуштардын 55 процентин алган. Атаандаштары анын жеңишин моюндашты.
