Орусияга келген Кыргызстандын президенти Аскар Акаев кечээ күнү кечинде Маскөөнүн алдындагы Ново-Огарево шаарында орус президенти Владимир Путин менен жолугуп, эки өлкө ортосундагы байланыштар жана аскерий кызматташуу маселелерин талкуулады. Акаевдин айтымында, Кыргызстан менен Орусия ортосундагы соода көлөмү үстүбүздөгү жылдын тогуз айында 55 пайызга өстү жана жакында эки Камбар-Ата электир станцияларын куруп бүтүү боюнча келишимге кол коюлат.
