Ооганстанда БУУнун үч кызматкерин барымтада кармап турган согушкерлер ооган өкмөтүнө койгон ультиматумунун мөөнөтүн эми дүйшөмбүгө чейин узартышты. Өзүн "Мусулман армиясы" деп атаган топ, камактан алар каалаган 26 адамды бошотууну, болбосо барымтадагылардын өмүрүн кыярын эскертип жатат. БУУнун үч: ирландиялык, косоволук жана филиппиндик кызматкери Кабулдан 28-октябрда уурдалып кеткен.
