БИШКЕК. Кыргызстанга бүгүн АКШнын мамлекеттик катчысынын Европа, Евразия өлкөлөрү боюнча орун басарынын жардамчысы Лора Кеннеди иш сапары менен келди. Ушул эле күнү ал президент Аскар Акаев, Тышкы иштер министр Аскар Айтматов, вице-президент Жоомарт Оторбаев менен жолугушту. Сүйлөшүү жабык эшик алдында өткөрүлүп, журналистер катыштырылган жок. Тышкы иштер министрлигинин маалымат кызматынын кабарлоосуна караганда, жолугушуу учурунда эки өлкөнүн ортосундагы кызматташтыкты чыңдоо жана аймактык, дүйнөлүк коопсуздукту камсыз кылуу маселелери талкууланды.
