БИШКЕК. Өкмөт башчы Николай Танаев өзүнүн буйругу менен иштеген ишинде кетирген кемчиликтери үчүн Билим берүү минстри Мустафа Кидибаевге сөгүш, ал эми Спорт, туризм жана жаштар саясаты боюнча мамлекеттик комитетинин төрагасы Өкмөтбек Алмакүчүковго эскертүү берди. Өкмөттүн маалымат кызматынын билдирүүсүнө караганда, өкмөт башчысынын мындай аракетине ресублика боюнча орто мектептерде мугалимдердин өзгөчө дене-тарбия сабагынан берген мугалимдердин жетишсиз болуп жаткандыгы себеп болду. Билим берүү министрлигинин маалыматына караганда, үстүбүздөгү жылы республика боюнча 3 миңден ашуун мугалим жетишпейт. Расмий маалыматтар боюнча өлкөдө мектеп мугалимдеринин орточо айлыгы 450-500 сомго барабар.
