Индиянын түндүгүндөгү Кашмир провинциясынын борбору Сринагар шаарында бүгүн жергиликтүү мусулман уюмдарынын жыйыны башталды. Кашмирдин Индиядан бөлүнүшү үчүн аракеттенген уюмдар Дели менен кантип сүйлөшүү жүргүзүү маселесин талкуулоого киришти. Индиянын жаңы премьер-министри Манмохан Сингх 17-ноябрда аларга кайрылып, алдын ала эч шарт койбостон сүйлөшүү жүргүзүүүнү сунуштаган. 1947-жылы британиялык оторчулуктан бошогондо, Индия эки мамлекетке - Индия жана Пакистанга бөлүнгөн, мусулмандар жашаган Кашмир болсо Индияга кошулган жана кийин анда элдик референдум өткөрүлөт деп жарыяланган, бирок Индия андай референдум өткөргөн эмес.
