КАРАКОЛ. Облустук ички иштер башкармалыгынын жергиликтүү басылмалар аркылуу тараткан маалыматына караганда, Каракол шаарындагы № 2, 3, 11 мектептерде жана Кусейин Карасаев атындагы кыргыз-түрк лицейине жардыргыч зат коюлган деп телефон аркылуу жалган билдирүү берип, мугалимдерди, окуучуларды, ата-энелерди дүрбөлөңгө салган окуучу аныкталды. Ал аталган шаардагы №11 мектеп гимназиясынын7-классынын окуучусу Чыңгыз аттуу жигит болуп чыкты. Чыңгыз күнөөсүн толугу менен мойнуна алды, ушул тапта тергөө иштери жүргүзүлүүдө. Кыргыз Республикасынын кылмыш жаза кодексинин 228-беренесине ылайык террордук акт жөнүндө жалган билдирүү тараткан адам кылмыш жоопкерчилигине тартыларын түшүнбөгөн бул окуучунун мындай жоругу башкаларга сабак болууга тийиш, дейт облустук ички иштер башкармасынын кызматкери, милициянын подполковниги Искаков.
Каракол шаарындагы бир катар мектептерге жардыруучу заттар коюлду, деп телефон аркылуу жалган маалымат берген окуучу аныкталды
