БИШКЕК. 1-декабрдан тарта Бишкек гуманитардык университетинде «БГУдагы Лермонтов күндөрү» деп аталган адабий фестиваль башталат. Ал орустун улуу акыны Михаил Лермонтовдун 190-жылдыгына арналып өткөрүлөт. Фестивалды ачууга Россиянын Кыргызстандагы элчиси Евгений Шмагин, дипломаттар жана университеттин жетекчилиги катышат. Фестивал учурунда болсо китеп көргөзмөлөр, адабий окуулар өткөрүлөт жана акындын чыгармалыгы боюнча талкуулар уюштурулат. Бул тууралуу Россиянын Кыргызстандагы элчилигинен бүгүн кабарлашты.
