БИШКЕК. Бүгүн Кыргызстан элдик кыймылынын штабынын жыйыны өттү. Жыйында кыймылдын Ош, Жалалабад жана Баткен облусунда өткөрүлгөн конференциялары талкууланып, жакынкы күндөр ичинде Чүй, Ысыккөл, Нарын жана Бишкек шаарында кыймыл активистеринин конференциялары өтө тургандыгы белгиленди. Ал тууралуу Кыргызстан элдик кыймылынын курамындагы «Жаңы Кыргызстан» партиясынын лидери Досбол Нур уулу кабарлаган. Анын айтымында, жер-жерлердеги конференциялардан кийин кыймылдын экинчи курултайы өткөрүлүп, анда өлкөнүн парламентине шайлоолорго карта талапкерлер көрсөтүлөт.
