БИШКЕК. Бүгүн Кыргызстанга Италиянын тышкы иштер министринин орун басары Роберто Антонионе келди. Ал ушул эле күнү тышкы иштер министри Аскар Айтматов менен жолугушуп, эки тараптуу кызматташуу боюнча пикир алмашты. Сүйлөшүүдө президент Аскар Акаевдин 2005-жылы боло турган Италияга сапары, экономикалык кызматташууну илгерилетүү үчүн биргелешкен жумушчу топ түзүү жана Италиянын Триесте шаарында 2008-жылы «Экспо 2008» эл аралык көргөзмөсүн өткөрүү маселелери талкууланды. Бул тууралуу министрликтин маалымат кызматынан кабарлашты.
