ДАКА/БАНГЛАДЕШ. Бангладеште дүйнө өлкөлөрүнөн чогулган миңдеген мусулмандар Алладан бейпилдик берүүсүн тилеп, намаз окуп жатышат. Дакадан 20 чакты километр жердеги Тураг деген шаарда үч күндөн бери өтүп жаткан диний жөрөлгөгө дүйнөнүн 65 өлкөсүнөн 2 миллиондой мусулман чогулду. Анын уюштуруучулары Бисва Ижтема мусулмандардын ажылыктан кийинки эле чоң зыяраты экенин айтышат. Жөрөлгө учурунда диний аалымдар чогулгандарга Кураани Каримдин сүрөөлөрүн түшүндүрүп жатышат.
