Жекшембиге оогон түнү- Караганды шаарына жакын жердеги көмүр кендеринин биринде катуу жарылуу болду. Жергиликтүү бийликтин маалымат кызматынын өкүлүнүн билдиригенине караганда кырсыктан 23 кенчи набыт болуп, жаракат алган үч жумушчу ооруканага жеткирилди. Жарылуу учурунда жер астында болгон 60тан ашуун жумушчулар сыртка чыгууга үлгүрүшкөн. Казакстандын чукул кырдаалдар министрлигинин маалыматына караганда кырсык түнкү саат үчтөн жыйырма мүнөт өткөндө газдын жарылуусунан болгон. Учурда атайын комиссия түзүлүп, окуянын чоо-жайы иликтенүүдө
