2005-жылдын январь айынан тарта «Бюджеттик мекемелерди толугу менен бюджет аркылуу каржылоого өткөрүү тууралуу» өкмөттүн токтому күчүнө кирет. Ага ылайык, бюджеттик мекемелер, министрликтер ар кандай текшерүү, сертификат жана уруксат берүүдөн, айып салуудан түшүүчү каражаттарды толугу менен бюджетке которот. Өлкөнүн каржы министрлиги билдиргендей мындай тартиптте Башкы прокуратура, Өрт өчүрүү кызматы, Мамлекеттик токой кызматы, каржы, ички иштер министрликтери жана башка бир катар мекемелер иштешет.
