БИШКЕК. 14-15-декабрда Москва шаарында баңги заттарын көзөмөлдөөдө түшүнүшүү боюнча меморандумга кол койгон тараптардын жыйыны болот. Ага Кыргызстандан Баңги заттарын көзөмөлдөө боюнча мамлекеттик агенттиктин башчысы Курманбек Кубатбеков катышат. Жыйында баңги заттарынын мыйзамсыз айлануусуна жол бербөө багытында кызматташуу маселеси талкууланып, соңунда жыйынтыктоочу документ кабыл алынмакчы. Бул тууралуу агенттиктин кызматкери Алмаз Гарифулин бүгүн билдирди.
