Автокырсыктан алты адам каза тапты

Бүгүн таңга жуук Чех Республикасынын аймагында автобус кырсыкка учурап, андан алты адам каза тапты. Көз жумгандардын көпчүлүгү словактар жана алардын арасында кош бойлуу бир аял жана бир жашар бала бар. Дагы беш жүргүнчү оор абалда ооруканага түштү. Автобус Словакиянын борбор шаары Братиславадан Прагага келаткан экен. Кырсыктын себептери иликтенүүдө.

Дүйнөдөгү соңку жаңылыктарды Прагадан Кубат Оторбаев даярдады.