Үн тасмага жазылган кайрылууну, америкалык атайын кызматтар ырасташкандай, Усама бин Ладен өзү окуп берген. Кайрылууда бин Ладен жакында Сауд Аравиясында АКШнын консулдугуна кол салган экстремисттердин ишин кубаттаган жана аларды Перси булуңундагы мунай ишканаларына бүлүк-бүлгүн салууну күчөтүүгө чакырган. “Ал-Каиданын” жетекчиси сауд лидерлерине да эскертүү жасап, аларды Иран шахы туш болгон ыкыбал күтүп турганын билдирген.
