АКШ мамлекеттик департаментинин «Борбор Азиянын атуулдук көпүрөлөрү» программасынын алкагында 23-28-декабрь аралыгында Украинадагы президенттик шайлоого 8 байкоочу барат. Алардын катарында Тажикстандын, Өзбекстандын, Казакстандын жана Кыргызстандын жарандык коомунун өкүлдөрү бар. Кыргызстандан «Жарандык коом коррупцияга каршы» бейөкмөт уюмунун башчысы Төлөкан Исмаилова, Ош шаарындагы Адам укуктары жана демократия борборунун башчысы Нурлан Бакиров барат. Бул топ Украинага Симферополь-Бахчисарай сапары аркылуу барышат. 20-23-декабрь аралыгында ал жерде шайлоо боюнча тажрыба алмашуу болот.
