Украин президенти Кучма шайлоо мыйзамына өзгөртүүлөргө кол койду

Кучманын кол тамгасы менен өлкөнүн жаңы шайлоо кодекси күчүнө кирди. Бул өзгөртүүлөр 26-декабрдагы шайлоонун эркиндигин жана акыйкаттыгын кепилдөө аракетинде кабыл алынды.

Туура бир аптадан кийинки үчүнчү айлампада оппозициядан талапкер Виктор Ющенко жана өкмөт башчысы Виктор Янукович ат салышат. Добуш берүүгө 8300дөй чет элдик байкоочу катышканы жатат.

Ющенко бүгүн украиндер жакын арада "жаңыланган демократиялуу Украинада" жашап калат деп билдирди.