БИШКЕК. 2005-жылдан тарта бардык министрлик менен мекемелердеги айлык маянаны реформалоо башталат. Ага ылайык 2006-жылдан тарта айлык банк аркылуу берилип, айрым мекемелерде кызматкерлердин саны кыскартылып, маяна көбөйтүлөт. Ал эми 2006-жылдан тарта социалдык салыктын көлөмү жыл сайын 1 проценттен төмөндөтүлө баштайт. Бул маалыматты тараткан Каржы министрлигинин билдирүүсү боюнча, мындай аракет Эл аралык валюта корунун үч жылдык жаңы программасынын талабына ылайык жүргүзүлөт.
