Шлезвих шаарындагы жолугушууда Герхард Шрөдөр менен Владимир Путин эки тараптуу экономикалык кызматташтыкты чыңдоо маселелерин талкуулашты. Путин ошондой эле немец тарабы жана жалпы Евросоюз менен чечен проблемасын,аны чечүүнүн жолдорун талкуулоого даяр экенин билдирди. Чечен согушу үч жыл мурда аяктады, деп айтты Путин. Бирок бул Россияда жана өзгөчө Чеченстанда проблема калган жок дегенди билдирбейт, проблемалар бардык жерде бар, аларды европалык өнөктөштөр жана Германия менен биргелешип чечкенге Россия даяр.
