БИШКЕК. 25-декабрдан баштап жаңы жылдык шаан-шөкөттөр учурунда Бишкек шаарында коомдук тартипти көзөмөлдөө чараларды күчөтүлөт. «Издөө», «Түнкү көпөлөк», «Өспүрүм», «Селсаяк» өңдүү операцияларга күнүнө 1000ден ашык милиция кызматкери тартылат. Бул тууралуу маалыматты Бишкек шаардык ички иштер кызматы таратты. Маалыматта террордук акциялардын жана экстремизмдин коркунучун пайда кылган аракеттер бар экендиги, тартип бузуулар уюшкан кылмыштык топтор, мурда соттолгон адамдар тарабынан жасалып жаткандыгы белгиленет.
