Бириккен Улуттардын өнүктүрүү программасынын башчысы Мэллок Браун кечээ күнү "Ройтерс" агенттигине интервью берип, уюм тарабынан даярдалган жаңы доклад эмдиги жылдын башында жарыялана турганын билдирди. Кээ бир маалымат каражаттарынын айтымында, ал докладда АКШнын Ирак жана Жакынкы Чыгыштагы саясаты катуу сынга алынат жана аны менен байланыштуу Вашингтон докладдын авторлоруна азыр кысым көрсөтүдө. Бирок Браун андай кабарларды жокко чыгарды.
