БИШКЕК. Кыргыз-өзбек чек арасын аныктоо боюнча өкмөттүк делегациялар ортосунда сүйлөшүүлөр январь айынын экинчи жарымында Бишкекте өтөт. Бул тууралуу тышкы иштер министрлигинин жооптуу кызматкери Эрик Асаналиев 31-декабрда билдирди. Кыргызстан менен Өзбекстандын чек арасынын узундугу 1295 чакырым келет. Анын ичинен 1 миң чакырымдан ашыгы макулдашылган. Бишкектеги сүйлөшүүлөрдө калган аныктала элек аралыктар, анын ичинде анклавтар боюнча сүйлөшүүлөр болот, деп белгиледи Эрик Асаналиев.
