Газа тилкесинин түндүк аймагына бүгүн израилдик танктар чабуул жасап ок аткандан жети араб курман болду. Дагы бир нече адам жараат алды. Анын алдында бул аймактан Израилдин Ниссанит аттуу айылына мина атылган. Жөөт тараптын айтымында, ал аз жерден балдар толгон автобуска тийген эмес. 3-январда дагы жөөт аскерлери Газа тилкесине кирген, бүгүнкү мина чабуулу ага жооп катары жасалган.
