БИШКЕК. Кыргызстан келерки жылы Казакстанга 1миллиард 100 миллион килловат саат электр энергиясын сатууга ниеттенүүдө. Бул тууралуу вице премьер министр Базарбай Мамбетов 6-январда билдирди. Анын айтымында, өзбек тараптын да кыргыз электр энергиясын сатып алуусу үчүн аракеттер жасалууда. Өзбекстандан болсо Кыргызстанга 2004-жылдын апрель айынан бери газ берилбейт. Ал биздин карызга байланыштуу, дейт Базарбай Мамбетов. Маалыматка ылайык, «Кыргызгаз» «Узтрансгазга» накталай акча жагынан 1.5 миллион доллар, ал эми материалдык-техникалык ресурстар боюнча 1 миллион доллар карыз. Ушул карыз төлөнсө «Узтрансгаз» газ берүүгө даяр.
