Камбоджанын премьер-министри Хун Сен эл аралык коомчулукка кайрылып, мындан отуз жыл мурда өлкөдө болгон тукум курут саясытынын кесепеттерине дүйнөлүк коомчулук көңүл буруп, андан жапа чеккендерге жардам көрсөтсө жакшы болоор эле деп билдирди. Анын айтымында, декабрда болгон суу ташкындан 150 миң адам каза тапты жана дүйнө аны менен байланыштуу төрт миллард доллар жардам бөлө турганын билдирди, Камбоджанын мурдагы жетекчиси Пол Поттун саясатынан улам болсо бир миллион 700 миң адам өлгөн.
