Багдад шаарынын алдындагы Абу-Грейб түрмөсү менен байланыштуу былтыр чыккан чатак боюнча АКШнын Техас штатында сот жүрүп жатат. Чарлз Грейнер аттуу америкалык аскер абактагыларды мазактаган деп күнөөлөнүүдө. Мазакталган бир ирактык адам видео аркылуу сурак берип, андай кыйноодон кийин өзүн өзү өлтүрүүгө да аракеттенгенин билдирди. Грейнердин адвокатынын айтымында, ал жөн гана жетекчилердин буйруктарын аткарган.
