КУНУ. Бүгүн жүздөгөн адамдар Түштүк Африканын мурдагы президенти Нельсон Манделанын уулу Макатонун тажыясына катышты. 54 жашында СПИД оорусунан көз жумган Макатого топурак салуу үчүн өлкөнүн президенти Табо Мбеки да келди. Уулу каза болгон соң өткөргөн пресс - конференцияда Нобель сыйлыгынын лауреаты Мандела африкалыктардын бул оору жөнүндө сөз кылбоо салтын бузуп, СПИД жашырбай турган оору экенин, аны жашырган менен өлүм ашкере кыла турганын айтты. Африкада ВИЧ инфекциясын жугузуп алган адамдардын саны 25 миллионго жетти.
Баян Жумакадыр кызы, Прага шаары
Баян Жумакадыр кызы, Прага шаары
