БИШКЕК. Президент Аскар Акаев Кыргызстанда өлүм жазасын аткарууга мораторийди 2005-жылдын 31-декабрына чейин узартуу тууралуу жардыкка 10-январда кол койду. Жардыкта президент ошондой эле өлүм жазасына тартылгандарды кармоочу жайлардын шартын жакшыртуу максатында каражат табууну жана «Адам укугу» боюнча 2002-2010-жылдар үчүн улуттук программанын алкагында өлүм жазасын алып салуу боюнча мыйзам долбоорун даярдоону Кыргыз өкмөтүнө тапшырды.