Киев шаарынын борборунда пикетчилер тиккен чатырлар бүгүн алынды, алар ноябрдын аягында коюлган. 21-ноябрда өткөрүлгөн президенттик шайлоонун жыйынтыктарын бийлик бурмалагандыктан, миңдеген адам Киевке келип, нааразылык акцияларын баштаган. 26-декабрда кайра шайлоо өткөрүлүп, анда жеңип чыккан Виктор Ющенко эртең президенттик ант берүүгө тийиш. Салтанатка катышууга АКШ мамлекеттик катчысы Колин Пауэлл, НАТОнун баш катчысы Яап де Хооп Схеффер, Польша президенти Александр Квасневски жана башкалар келет.
