БИШКЕК. Кыргызстан менен Швейцариянын биргелешкен эл аралык ишкер кеңешинин жаңы долбоору ишке кирди. Эки жылга эсептелген бул долбоор ишкерлердин кызыкчылыгын өкмөттө жана парламентте коргоо максатын көздөйт. Бул максат кесипкөй юристтердин, экономисттердин көмөгү менен ишке ашат. Долбоорго Швейцариянын экономика боюнча мамлекеттик катчылыгы 42 миң доллар бөлгөнү жатат. Эл аралык ишкер кеңештин маалыматына караганда, өкмөт өкүлдөрүндө коррупциянын орун алышы ишкерлерди тынчсыздандырган олуттуу проблемалардын бири болууда. Бул тууралуу кызматташтык боюнча Швецария бюросунан кабарлашты.
