Париж шаарында жайгашкан "Чек арасыз репортерлор" деп аталган уюм "ал-Жазира" сыналгысына каршы көрүлүп жаткан акыркы аракеттер тууралуу кечээ күнү кечинде өз тынчсыздануусун билдирди. Уюмдун айтымында, анын программаларын Сауд Арабия менен АКШ жактырбайт, Алжир, Иран, Канада жана Тунисте анын берүүлөрү цензурага алынат, сыналгынын Багдад шаарындагы кеңсеси өткөн жылдын августунда жабылды, ал эми саудиялык жетекчилик ага үч жылдан бери Меккеге ажылыкка келгендер тууралуу да программа даярдоого уруксат бербей жатат.
