БИШКЕК. Жогорку Кеңешке депутаттыкка талапкерлерди каттоо 1-февралда соңуна чыгат жана 2-февралдан баштап үгүт иштери башталат. Дүйшөмбүдөгү маалымат боюнча Борборшайлоокомго түшкөн 473 арыздын негизинде 425 жаран каттоодон өтүп, талапкер болуу укугун алышты. 8 арыз канагаттандырылган жок. Ал эми 27 жаран талапкер болуудан баш тартып, арыздарын өз каалоолору менен кайтарып алышты. Мындай маалымат дүйшөмбү күнү БШКнын уюштуруу бөлүмүнөн алынды.