Улуу Британиянын премьер-министри Тони Блэр бүгүн парламент комитетинде чыгып сүйлөп, Иран эл аралык терроризмди колдоого алууда жана андан эч ким күмөн санабаш керек деп билдирди. Буга чейин Иранга каршы мындай күнөөлөрдү негизинен АКШ гана айтып келген. Женева шаарында бүгүн Иран менен Европа өкүлдөрү ортосундагы кезектеги жыйын болуп өттү, бирок анда орчундуу чечим кабыл алынган жок. Ирандын өкүлү Хасан Роуванинин айтымында, АКШ менен чыккан араздашууну чечүүгө Тегеран даяр.
