“Коммерсант” гезитине эскертүү жасалды

Орусия бийликтери “Коммерсант” гезитине- чечен жикчилеринин баштоочусу Аслан Масхадов менен интервьюну басканы үчүн- эскертүү жасады.
ИНТЕР ФАКС агенттигинин аты аталбаган өкмөттүк булакка шилтеп кабарлашынча, гезит интервьюну басып, Россия жана Интерполдун издөөсүндөгү Масхадовго терроризмди жана террорчулук ишкердүүлүктү актоого мүмкүндүк берген.
Үч жолку эскертүүдөн кийин сүргүндөгү миллионер Борис Березовскийдин ээлигиндеги басылма жабылышы мүмкүн.
Ырасмий Москва Масхадовдун башы үчүн 10 миллион доллар байге сайган.