РАМАЛЛА. Палестин лидери жөөттөргө кол салууларды уюштуруп жаткан козголоңчуларды ийге келтирип, куралды таштоого чакыруу максатын көздөп жатат. Ал ХАМАС баштаган радикалдык топтордун өкүлдөрү менен жолугушуу өткөрмөкчү. 10-февралда Аббас коопсуздук күчтөрүнүн Газа тилкесине көзөмөл кылуучу башчысы, генерал Абдул Разек Мажидди кызматтан алган. Муну менен Махмуд Аббас Израиль менен түзүлгөн келишимди сактоого аракет кылууда. Соңку күндөрдө радикалдардын аткан ракетасынан Газа тилкесиндеги жөөт конуштары бир топ жапа чегишти. Ушул шейшембиде президент Махмуд Аббас менен премьер-министр Ариэль Шарон ок атышууларды токтотуу боюнча сөз бекитишкен.
