БИШКЕК. “Учкун” мамлекеттик акционердик коомунда Жогорку Кеңешке шайлоодо добуш берүүчү бюллетендер 12-февралда басыла баштады. Шайлоочулардын тизмесине ылайык 2 млн. 669 миң 576 бюллетень чыгарылышы күтүлүүдө. Анын 1 млн. 997 миң 453 кыргыз тилинде, 672 миң 123 орус тилинде басылмакчы. Бул тууралуу Борбордук шайлоо комиссясынын басма сөз кызматынан билдиришти. Учурда “Учкун” акционердик коомунун бюллетендер басылып жаткан цехи Улуттук коопсуздук кызматынын, Ички иштер министрлигинин кызматкерлери жана Борбордук шайлоо комиссиясынын мүчөлөрү тарабынан көзөмөлдөнүүдө.
