БИШКЕК. Тышкы иштер министрлиги «Шайлоо кодексиндеги» дипломаттарды шайлоого катыштыруудан четтеткен жобону алып салууну келерки жаңы парламентке сунуштайт. Мындай чечим экс- элчилердин шайлоого катыша албай калышы боюнча жагдайды талкуулаган 12-февралдагы коллегияда кабыл алынды. Бул тууралуу министрликтин маалымат кызматы 14-февралда кабарлады. Ал эми тышкы иштер министри Аскар Айтматов Москвада өткөн маалымат жыйынында 11-февралда парламент дипломаттардын укугун чектеген ушундай мыйзам кабыл алганына кабатырлануусун билдирген.
