Чеченстандын президенти Алу Алханов бүгүн - жумурияттын мурдагы президенти Аслан Масхадовдун сегиз тууганы барымтага алынып кеткенин тастыктады. Ал тууралуу кабарлар өткөн аптада тараган. Орусиянын жана чет өлкөлүк укук коргоочу уюмдардын айтымында, аларды вице-премьер-министр Рамзан Кадыровдун жоокерлери туткунга алып кеткен болушу ыктымал. Рамзан Кадыров - өлкөнүн мурдагы президенти Ахмад Кадыровдун уулу жана орус президенти Владимир Путин ага жакында Орусиянын баатыры деген наам берген.
