Иракта эки индонезиялык журналист дайынсыз жоголду

Иракта иштеген эки индонезиялык журналист жоголду. Индонезиянын Тышкы иштер министрлигинин өкүлү Марти Наталегава ал тууралуу бүгүн жарыялады:

-Журналисттер менен байланыш үзүлдү, бирок алар барымтага алынган-алынбаганын биз азырынча тастыктай албайбыз, алынган болсо, аларды бошотуу үчүн кун талап кылынып жатканын да биз азырынча билбейбиз.

Өткөн жылы Иракта эки жүзгө жакын чет өлкөлүк жаран барымтага алынган, алардын отузга жакыны өлтүрүлдү, он үчү болсо эмгиче туткунда.