Жарадар болгондор эсеби токсондон ашты. Бир бомба шейиттердин мечитинде жарылды. Иракта бүгүн шейиттер ашура каадасын белгилешкен эле. Ыйык Мухаррам айынын тогузунчу күнү – жетинчи кылымдын соңунда Мухамбет пайгамбардын небереси имам Хусейн Кербаланын чөлүндө азап чегип өлгөн делинет. Он миңдеген шейиттер имамдын арбайын эскеришип, атайын ырасымдар жасап, таат өткөрүштү. Ашурага байланыштуу Иракта коопсуздук чаралары күчөтүлдү. Кечээ бир нече жарылуудан 27 адам мерт кетти, ондогон кишилер жарадар болду.
